बिर्तामोड । झापामा आसन्न छैटौँ `झापा गोल्ड कप अन्तर्राष्ट्रिय आमन्त्रण नकआउट फुटबल प्रतियोगिता´मा सहभागी टिमहरु र च्याम्पियन ट्रफी सार्वजनिक गरिएको छ ।
खेल मैदान बिर्तामोडस्थित डोमालाल राजवंशी रंगशालामा बुधबार आयोजित एक कार्यक्रमबीच प्रतियोगितामा सहभागी टिमहरुको नाम र विजेताले प्राप्त गर्ने च्याम्पियन ट्रफी पनि सार्वजनिक गरिएको हो । यो पटक झापा गोल्ड कपले आफ्नै डिजाइनमा ट्रफी निर्माण गरी सार्वजनिक गरेको झापा गोल्ड कपका अध्यक्ष विनोद बस्नेतले बताए । अनुसार प्रतियोगितामा ए-डिभिजनसहित नेपालका १० टिमको सहभागिता रहनेछ ।
छैटौँ संस्करणमा आयोजकको तर्फबाट झापा ११ एफसीले सहभागिता जनाउनेछ । त्यस्तै, विभागीय टिमहरु त्रिभुवन आर्मी एफसी, एपिएफ एफसी र नेपाल पुलिस क्लबले प्रतिस्पर्धा गर्ने अध्यक्ष बस्नेतले बताए ।
प्रतियोगितामा गत सिजनको सहिद स्मारक ए डिभिजन लिग विजेता टिम चर्च ब्वाइज युनाइटेड एफसी, मछिन्द्र एफसी, एनआरटी एफसी र संकटा एफसीले सहभागिता जनाउने छन् ।
यो संस्करणमा पहिलोपटक मोफसलका दुई टिमले सहभागिता जनाउने छन् । सर्लाहीको बागमती युवा क्लब र हेटौँडाको एन्फा मकवानपुरले झापा गोल्ड खेल्ने पक्का भएको अध्यक्ष बस्नेतले बताए ।
ट्रफी र टिम सार्वजनिक कार्यक्रममा अध्यक्ष बस्नेतसहित झापा जिल्ला फुटबल संघका अध्यक्ष भगिरथ आले मामा, गोल्ड कपका संरक्षक तथा झापा ११ एफसीका अध्यक्ष जलकुमार गुरुङ, राष्ट्रिय फुटबल टिमका सहायक प्रशिक्षक प्रवेश कट्वाल, गोल्ड कपका सल्लाहकार मदनगोपाल सुब्बा, वरिष्ठ उपाध्यक्ष बलराम कार्की लगायतको सहभागिता रहेको थियो ।
_1750841257.jpg)
_1750565822.gif)
