झापा । अत्याधिक गर्मीले झापामा तीन जानको मृत्यु भएको छ । मानव जीवन असहज हुँदै गइरहेको बेला अर्जुनधारा–१ सिस्ने निवासी ७२ वर्षीय प्रेमबहादुर राईको गर्मीकै कारण प्रेसर बढेपछि उपचारको क्रममा निधन भएको छ ।
यसअघि कनकाई नगरपालिका अन्तर्गत कोटीहोममा पनि एक वृद्धको गर्मीकै कारण मृत्यु भएको खुलेको छ । उनको पहिचान भने खुल्न बाँकी नै रहेको छ ।
यस्तै बिर्तामोड–६ स्थित राधिका जोगीको पनि गर्मीकै कारण मृत्यु भएको जनाइएको छ ।
विगत ४ दिनदेखि गर्मीले जमिनको तापक्रम बढेसँगै त्यसको प्रत्यक्ष असर वृद्ध तथा बालबालिकाहरुमा देखिएको छ ।
बालबालिका र बृद्धहरुमा घमौरा र श्वासप्रश्वासमा असहज हुने, झाडापखाला लाग्ने भएको हुँदा बासी खानेकुरा नखान र अतिआवश्यक काम बाहेक बाहिर ननिस्कन स्वास्थ्यकर्मीले अनुरोध गरेका छन् ।
झापाको तापक्रम ३८ बढी डिग्री सेल्सियस रहेको जनाइएको छ ।
