झापा । झापामा दुई मोटरसाइकल दुर्घटना हुँदा तीनजनाको मृत्यु भएको छ । दुई जना घाइते भएका छन् । कमल गाउँपालिका र मेचीनगर नगरपालिकामा गएराति घाइते भएका डिकेन राजबंशीकाे आज बिहान मृत्यु भएको छ ।
शिवसताक्षी नगरपालिका वडा नम्बर-८ का ३३ वर्षीय अनिलकुमार लिम्बु र २० वर्षीय सोमराज लिम्बुको पनि मृत्यु भएको जिल्ला प्रहरी कार्यालय झापाले जनाएको छ।
गएराति १२ बजे कमल गाउँपालिका ४ अमलडाँगीस्थित पूर्वपश्चिम राजमार्गमा केर्खाबाट दमकतर्फ आउँदै गरेको को २७ प ३५१३ नम्बरको मोटरसाइकल आफैँ अनियन्त्रित भई दुर्घटना हुँदा मोटरसाइकलमा सवार दुई युवकको मृत्यु भएको जिल्ला प्रहरी कार्यालय झापाले जनाएको हो।
