मेचीनगर । निर्माणाधीन अवस्थामा रहेको `रोयल रिक्रिएशन नेपाल प्रा.लि´को वातावरण प्रभाव मुल्यांकन प्रतिवेदनको माग गर्दै त्यहाँका युवाले तत्काल निर्माणको काम ठप्प बनाएका छन्।
प्रालिले पाँचतारे होटल सञ्चालनका लागि सूचना बोर्ड र वातावरण प्रभाव मुल्यांकन प्रतिवेदन सार्वजनिक नै नगरी निर्माण सुरु गरेको पाएपछि युवाहरुले उक्त दुबै माग गर्दै निर्माण ठप्प बनाएका हुन् । यसअघि आइतबार मेचीनगर-१४ ले होटल सञ्चालकको मुद्दाको फैसला नआइन्जल निर्माण बन्द गर्न त्यहाँको प्रगति टोल र पाथीभरा टोललाई सिफारिस दिएको थियो ।
टोलका अध्यक्षद्वयले होटलका सुपरभाइजर प्रकाश तिमल्सिङलाई वडाको सिफारिस पत्र बुझाएका थिए । स्थानीय तहले निर्माण रोक्न गरेको आग्रहलाई अटेर गर्दै निर्माणको काम जारी गरेपछि युवाहरुले होटल सञ्चालक र निर्माण ब्यवसायीसँग सोमबार (आज) छलफल गरेको छ ।
छलफलमा होटल रोयल रिक्रिएसन नेपालको वातावरण प्रभाव मुल्यांकन प्रतिवेदन सार्वजनिक गरिनुपर्ने, प्रालिका सञ्चालकको मुद्दाको किनार नलागेसम्म निर्माण बन्द गर्नुपर्ने, हडिया खोलाको अतिक्रमित जमिनको वास्तविक सत्यतथ्य बाहिर ल्याउनुपर्ने र सार्वजनिक बाटोको निकास दिनुपर्नेलगायतका माग छलफलमा राखेका थिए । 
उक्त बिषयमा उठेका प्रश्नको बारेमा होटल ब्यवसायी प्रदीप मित्तलका छोरा रिसर्भ मित्तल र निर्माण ब्यवसायी छिरिङ शेर्पाले जवाफ दिएका थिए । जसमा सम्बन्धित ब्यवसायी प्रदीप मित्तल अभियोगमा परेका कारण सबै बिषय प्रष्टसँग छोरालाई जानकारी नभएकाले तत्काल निर्माणको सबै काम बन्द गर्ने निर्णय गरेको हो । वडा कार्यालयले दिइएको सिफारिस पत्र निर्माणाधिन होटलको गेटमा टाँस गर्दै बन्द गरेका हुन् । 
त्यसक्रममा रिसर्भ मित्तलले दिएको प्रमाणपत्रमा होटल निर्माणको ठेगाना मेचीनगर-१० लेखिएको छ भने निर्माणाधिन स्थल होटलको ठेगाना मेचीनगर-१४ मा पर्दछ । त्यसकारण होटल रिक्रिएशन निर्माणाधीन अवस्थामै बिवादमा परेको पाइन्छ । ठेगाना र निर्माणस्थल फरक फरक हुनु कानुनी रुपमा बिवाद बिषय हो ।
त्यसमा शंकाउपशंका उब्जिनु स्वभाबिक नै हो । जुन ठेगाना निर्धारण गरिएको छ, निर्माण पनि त्यहीँ हुनुपर्छ एक युवाले भने। यसअघिका जनप्रतिनिधि र समाजसेबीले विभिन्न बहानामा जनघनत्व बढी भएको ठाउँमा मानवीय स्वास्थ्य र वातावरणलाई प्रतिकुल असर पार्ने उद्योग स्थापना र नवीकरण गर्न दिँदा गाउँ नै जोखिममा पर्ने अवस्था आएको युवाहरुले निष्कर्ष निकालेका छन् । 
त्यसैले आफ्नो ठाउँमा होटल तथा उद्योग बिकास निर्माण हुँदा युवाको पुर्ण सहयोग रहन्छ, त्यहाँका युवा प्रबिण भट्टराईले भने,-`कानुनी रूपमा एउटा उद्योग स्थापना भनेर दर्ता गर्ने अनि सर्वसाधारण नागरिकलाई असर पर्ने अर्कै उद्योग सञ्चालनमा ल्याउने प्रवृत्तिकै कारण युवाले सुरुमै निगारानी बढाएको हो, राम्रो कुरामा सधैं साथ दिन्छौं ।´
पाथीभरा टोल बिकास समितिका अध्यक्ष मानबहादुर खड्काको अध्यक्षतामा सम्पन्न भेलामा प्रबिण भट्टराई, बासुदेव राजबंशी, दिवस भट्टराई रोहित मिश्र, राजेश राजबंशी, सागर अधिकारी, जीवन प्रसाईं, किशोर लामिछाने, बिन्दा प्रसाईं, तुलसी लामिछानेलगायतले बिषय उठान गरेका थिए । कार्यक्रमको सहजीकरण प्रकाश उप्रेतीले गरेका थिए ।
_1750841257.jpg)
_1750565822.gif)
_1751864738.jpg)
