चारआली । झापाको मेचीनगर-१२ शहरेडाँगीमा सञ्चालित युनिक अङ्ग्रेजी बोर्डिङ स्कुलले विद्यार्थीलाई अतिरिक्त क्रियाकलापमा सक्रिय गराउँदै बिद्यालयको बार्षिक उत्सव सम्पन्न गरेको छ । 
विभिन्न बिद्याहरु शारीरिक, बौद्धिक, सांस्कृतिकलगायतका खेल-प्रतियोगितामा विद्यार्थीलाई सहभागी गराउँदै उत्कृष्टलाई सम्मान एबम् पुरस्कृतसमेत गरेको छ ।
बिहीबार `परीक्षाफल प्रकाशन, सम्मान पुरस्कार बितरण एबम् अभिभावक दिवस कार्यक्रम´मा विभिन्न बिधाका बिजेता विद्यार्थीलाई नगद, पुरस्कार, ट्रफी र मेडल प्रदान गरिएको थियोे ।
कार्यक्रमका प्रमुख अतिथि स्थानीय समाजसेवी तिलकप्रसाद गिरी, अध्यक्ष सुर्यप्रकाश सापकोटा एवम् शिक्षक-शिक्षिकले बिजेता विद्यार्थीलाई पुरस्करसहित मेडल प्रदान गरेको विद्यालयका प्रिन्सिपल बिष्णुप्रसाद रिमालले जानकारी दिए । 
विद्यालय स्थापनाको २० औं वार्षिक उत्सवपछि विद्यालयको भौतिक बिकाससँगै नयाँ मोडेल-शैलीले विद्यार्थीलाई अतिरिक्त कृयाकलापसहित पठनपाठन गराउँने योजना बनाएको प्रिन्सिपल रिमालको भनाई छ ।
विद्यार्थीको रगत समूह परीक्षण, आँखा परीक्षण, पाकशिक्षा, चित्रकला, दौड, शिक्षक-शिक्षिकाको स्लो-बाइक रेस लगायतका साताब्यापी कार्यक्रम गर्दै आएको स्कुलले कक्षागत नृत्य एबम् कला प्रस्तुति गरेका थिए ।कार्यक्रमको संचालन शिक्षक बेद्निधी रिमाल र शिक्षिका टीका नेपालले गरेका थिए ।
