अर्जुनधारा । करणी गरेको आरोपमा झापाको अर्जुनधारामा एक वृद्ध पक्राउ परेका छन् । पक्राउ पर्नेमा सुनसरी बराहक्षेत्र नगरपालिका-७ बस्ने बर्ष ६४ का प्रमानन्द पौडेललाई प्रहरी ले नियन्त्रणमा लिएको हो । माघ २८ गते राति ९.३० बजे अर्जुनधारा-९ बाह्रघरेमा इलाम घर भई बिगत ६-७ महिनादेखि मामा घरमा बस्दै आएकी युवतीलाई पौडेलले करणी गरेको आरोप लागेको हो । प्रहरी चौकी शनिश्चरेमा पीडित पक्षले जानकारी गराएपछि प्रहरी टोली खटिएर पीडित र पीडकलाई इलाका प्रहरी कार्यालय बिर्तामोडमा ल्याई अनुसन्धान गरी दुबैलाई स्वास्थ्य परीक्षणको लागि प्रादेशिक अस्पताल भद्रपुर पठाएको प्रहरीले जनाएको छ ।