काँकडभिट्टा । नेपालबाट भारततर्फ तस्करी हुन लागेको चाइनिज लाइटर प्रहरीले बरामद गरेको छ । गएराति ११ः३० बजे इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर नगरपालिका-६ पिङ्कीठ्याकमा नेपालबाट भारततर्फ अवैध रुपमा भन्सार छली लुकाई छिपाई लाँदै गरेको १९ काटुन् चाइनिज लाइटर बरामद गरेको हो ।
अन्दाजी १ लाख ९० हजार मूल्य बराबरको लाइटर आवश्यक कारबाहीको लागि मेची भन्सार कार्यालय काँकडभिट्टामा बुझाउने तयारी भइरहेको जिल्ला प्रहरी कार्यालयले जनाएको छ ।
त्यस्तै राति ९ः३० बजे इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर नगरपालिका-६ भन्सार गेट अगाडि भारतबाट नेपालतर्फ अवैध रुपमा भन्सार छली लुकाइछिपाई ल्याउँदै गरेको अन्दाजी १ लाख ५१ हजार ९८० रुपैयाँ बराबरको किराना सामान तथा कपडा बरामद गरेको छ । ती सामान पनि मेची भन्सार कार्यालय काँकडभिट्टामा बुझाउने तयारी भइरहेको डीएसपी कृष्णकुमार चन्दले बताए ।
