काठमाडौं । काठमाडौं महानगरपालिकाले 'रोजगारी र आय वृद्धि, काठमाडौंको समृद्धि' भन्ने नारासहित सीप मेला बुधबारदेखि सुरू गरेको हो।

महानगरले विभिन्न २९ पेशासँग सम्बन्धित सीप एक महिना तालिम दिन लागेको हो। उक्त  तालिम एक महिनासम्म चल्नेछ।

महानगरका अनुसार २०८१ जनालाई सीपमुलक तालिम दिने तयारी छ।

सीप मेलाको बुधबार आयोजित कार्यक्रममा उपमेयर सुनिता डंगोलले उद्घाटन गरेकी छन्। महानगरले यस कार्यक्रमलाई गौरवको योजनाका रूपमा लिएको छ।

महानगरभित्र बसोबास गर्ने व्यक्तिहरूलाई तालिम र रोजगारी प्रदान गर्ने उद्देश्यले वैशाख १९ गतेदेखि जेठ २५ गतेसम्म सीप मेला सञ्चालन गर्न लागेको महानगरको सामाजिक विकास विभागकी निमित्त विभागीय प्रमुख विमला कोइरालाको भनाई छ।