दमक । सुनसरीमा भतिजीको हत्या आरोपमा काका पक्राउ परेका छन्। पक्राउ पर्नेमा इटहरी उपमहानगरपालिका–५, पचरुखीका ३० वर्षीय शालिग्राम लुइँटेल रहेको प्रहरीले जनाएको छ।
आफ्नो दाइ नवराज लुइँटेलकी १८ महिनाकी छोरी आइन्सुको हत्या गरेको उनीमाथि आरोप छ।
शालिग्रामले आइन्सुको हत्या गरेको भन्ने सूचनाका आधारमा खटिएको प्रहरी टोलीले उनलाई पक्राउ गरेको हो।
घटनाबारे थप अनुसन्धान गरिरहेको प्रहरी प्रधान कार्यालयले जनाएको छ।
