मेचीनगर । कला, साहित्य र संगीतका पारखीलाई एकै ठाउँबाट प्रस्तुत गर्दै तिनै विधामा ख्याति कमाएका र उदयमान युवा पुस्तालाई जोड्न एकदिने सागीतिक साँझकाे तयारी गरेको छ ।
झापाको मेचीनगर-९ स्थित सातपाखे ब्याण्डको आयोजनामा कला, साहित्य र संगीतकर्मीलाई जोड्न कार्तिक २१ गते बुधबार ४ बजे कार्यक्रमको आयोजना गरिएको प्रेस क्लब मेचीनगरमा आयोजित पत्रकारलाई जानकारी गराएको छ ।
देश-बिदेशमा ख्याति कमाएका चर्चित कला, साहित्य संगीतिक क्षेत्रका अब्बल ब्यक्तीत्व र समाजमा उदयमानको रुपमा पहिचान बनाउँदै आएका नयाँ पुस्ताबीच समन्वय र सहयात्राका लागि उक्त कार्यक्रमले जोड्ने आयोजक समितिका अध्यक्ष राजेश पराजुलीले बताए ।
आयोजक ब्याण्डका अध्यक्ष पराजुली आफै संगीतिक क्षेत्रमा बाध्यबाधनका पारखी हुन् । कमल रसाइली राष्ट्रिय गायक हुन् । त्यस्तै आर्ट विधाका ख्यातीप्राप्त कलाकार क्षितेन लामा हुन् ।
कार्यक्रम झापाका जन्मेहुर्केर देश-बिदेशमा ख्याति कमाएका शिवशंकर थापा, भरत लामालाई सम्मान गर्ने कार्यक्रम रहेकोसमेत मन्जिल देवानले जानकारी दिए । कार्यक्रमलाई मेचीनगर नगरपालिका, देहि आर्ट र जेनियन क्लब आर्थिक सहयोग गरेका छन् ।
