झिल्झिले । झापामा सवारी दुर्घटनामा परी घाइते भएका दुई जनाको उपचारका क्रममा मृत्यु भएको छ । कात्तिक १६ गते साँझ ६.१० बजे पूर्व–पश्चिम राजमार्गअन्तर्गत शिवसताक्षी नगरपालिका–११ कृष्ण मन्दिरनजिक काँकडभिट्टाबाट धरानतर्फ जाँदै गरेको प्र १ ०२–००१ ख ९५३० नम्बरको बसले सोही दिशातर्फ जाँदै गरेका साइकल यात्री शिवसताक्षी–८ बस्ने अन्दाजी ६१ वर्षीय गणेश खड्कालाई ठक्कर दिएको थियो । घाइतेको बीएण्डसी अस्पतालको भेन्टिलेटरमा राखेर उपचार भइरहेकोमा आज बिहान अन्दाजी ५ बजे उनको मृत्यु भएको इलाका प्रहरी कार्यालय झिलझिलेले जनाएको छ ।
दुर्घटनापछि बस र बस चालक धनकुटा चौबिसे गाउँपालिका–३ सोगुम बस्ने ४३ वर्षीय शुकबहादुर लिम्बूलाई इलाका प्रहरी कार्यालय झिलझिलेको नियन्त्रणमा लिएको प्रहरी निरीक्षक सुशील थापा मगरले बताए ।
दुर्घटनामा घाइते मोटरसाइकल चालक झापा गाउँपालिका-४ लसुना बस्ने २५ वर्षीय सुरजप्रसाद गणेशको शरणागति हेल्थ केयरमा उपचार भइरहेको छ भने मोटरसाइकलमा पछाडि सवार सोही ठाउँ बस्ने २३ वर्षीय संजितकुमार गणेश सकुशल रहेका छन् । प्रहरी चौकी शरणामतिले मोटरसाइकल नियन्त्रणमा लिएको प्रहरी वरिष्ठ नायव निरीक्षक सोडारीले जानकारी दिए ।
