काँकरभिट्टा । झापाको मेचीनगर-६ स्थित काँकरभिट्टामा जारी सांगीतिक महोत्सव तथा रमाइलो मेला २०८१ मा आज शनिबार साँझ ख्यातिप्राप्त चर्चित कबवेव ब्याण्डको प्रस्तुति रहनेछ ।
काँकरभिट्टा भेट्रान्स फुटबल क्लबले आयोजना गरेको आयोजित महोत्सवमा दैनिक राष्ट्रिय ख्यातिप्राप्त कलाकारहरूको प्रस्तुति रहनेछ । यसै सिलसिलामा शनिबार साँझ युवा पुस्ताले अत्यधिक मन पराएको चर्चित ब्याण्ड कबवेव ब्याण्डकाे प्रस्तुति रहेको छ ।
काँकरभिट्टा खेल मैदानमा आगामी असोज १५ गतेसम्म सञ्चालन हुने महोत्सवको तेस्रो दिन हिजो शुक्रबार चर्चित गायिका प्रिती आलेले आफ्नो सुपरहिट गीत गाउँदै दर्शकलाई भरपुर मनोरञ्जन प्रदान गरेकी थिइन् ।
आयोजक काँकरभिट्टा भेट्रान्स फुटबल क्लबका महासचिव सुन्दर बस्नेतका अनुसार प्रत्येक दिन स्थानीय कलाकारको साथमा राष्ट्रिय ख्यातिप्राप्त कलाकारहरूको प्रस्तुति रहने छ ।
महोत्सवमा विभिन्न खेल तमासा, मनोरञ्जनका सामग्री होटल एबम् जानकारीमुलक स्टल रहने आयोजकले जनाएको छ ।
